தூக்கம் எரிந்த இரவு

அன்றொரு நாள் இரயில் பயணத்தில்,
மணி இரவு பத்தினை நெருங்கிய வேளையில்,
அவரவர் இருக்கைகளில் - அவரவர்கள்,
அரைநாள்
அமரராகத் தயாராகிய வேளையில்,
ஏற்கனவே எனக்கென
ஒதுக்கப்பட்ட தாழ்தளப் படுக்கையினை,
உயர்வயதுப் பயணிக்கு
ஒதுக்கிவிட்டு,
அப்பொழுதான் உணவுண்ண
ஆரம்பித்த அந்தப் பெரியவர்களுக்கு மத்தியில்,
நடுத் தளத்தினை எழுப்பி,
நான் துயில்கொள்ள
நடு நிசியாகிவிடுமோவென்று,
எம் பகுதியில் மட்டும்,
எம்மையே வெறித்துப் பார்த்தபடி
எரிந்துகொண்டிருந்த விளக்கோடு,
என் தூக்கமும் எரிந்து கொண்டிருந்தது...