நடைப் பிணம்

வியாபாரம் கடனுக்கு வியாபாரமாகி,
வியாதிக்காரனாகி,
நடைப் பிணமாக
நொடிந்து
விழுந்தவனுக்கு,
விழுந்தது கோடி - லாட்டரியில்,
இப்போது
வியாதிகள் வியாபாரமாகின
மருத்துவனிடம்;
அவனோ மீண்டும் உற்சாகமாய்
வியாபாரத்தில்

பணம் என்றால் பிணமும் வாய் திறக்குமாம்...
உண்மைதானோ!!!(?)

பயணத்தில் இரசித்தது

சென்ற வாரம் நான் சாப்பிடுவதற்காக கோடம்பக்கத்தில் இருந்து உதயம் அருகே உள்ள ஒரு உணவகத்திற்கு பேருந்தில் சென்றேன். அப்பொது பேருந்தில் சுமாரான கூட்டம் இருந்தது. கடைசி இருக்கையில் (பெண்கள் அமரும் இருக்கை) ஒரு ஆண் அமர்ந்து இருந்தார். என்னுடைய நிறுத்தத்தில் ஏறிய நடுத்தர வயதுள்ள பெண் ஒருவர் அவரை எழச் சொன்னார். அதற்கு அவர் நான் அடுத்த சில நிமிடஙளில் இறங்கிவிடுவேன் என்று கூறிவிட்டு எழாமல் அமர்ந்தே இருந்தார். இதனால் அந்தப் பெண் கோவமாகத் திட்டிக் கொண்டே வந்தார். அவரும் ஆண்களுக்கென்று தனியாக இருக்கை வசதி இல்லையே என்றும், பெண்கள் பொது இருக்கையிலும் அமர்கிறார்கள் என்றும் புல்ம்பிக் கொன்டே வந்தார். அவருடைய புலம்புலுக்கு ஏற்றாற்போல, பேருந்து, சாலை நெரிசலில் நின்ற போது, அருகில் இருந்த வாகனம் ஒன்றில்

" ரொம்ப ரொம்ப பாவமுங்க ஆம்பள சாதி...
இது புரியாம தவிக்குதுங்க ஆம்பள சாதி..."


ரொம்ப ரொம்ப மோசமுங்க பொம்பள சாதி,
இது புரியாம தவிக்குதுங்க ஆம்பள சாதி..."


இந்தப் பாடல் பாடிக் கொண்டு இருந்தது...

பேருந்தில் இருந்த பலரும் சிரித்து விட்டார்கள், பாவம் அந்தப் பெண், அவரது முகம் கோணிப் போகி விட்டது.

நானும் பொங்கிய பொங்கலை ஊதி அணைப்பது போல...
பொங்கி வந்த சிரிப்பை கை கொண்டடக்கிக் கொண்டேன்.



கண்டோரெல்லாம் கண்டிடாததால்,
கண்டிப்போர் யாருமில்லை (இருவரையும்)...
கண்டிப்பு
கண்டிக்கப்பட்டது,
கண்டாரால் அல்லாமல்,
கண்டவரால்(?)...

உதிர்க்காமல் உதிர்த்துவிடு

வற்றாத என் ஆசைகளை
சிற்றோடை போல
கலகலவென நான் அள்ளிக் கொட்ட
... நீயோ
சிற்றோடை சேர்ந்த
மடை போல,
சலனமின்றி இருந்து
என்னைச் சலனப்படுத்துகிறாய்...
என்றும் அன்பாய்
என்மேல் உதிர்பவனே,
ஒருபோதும்
கோவமாய் வார்தைகளை
"உதிர்க்காமல் உதிர்த்துவிடு"
அன்பாய்...