சாயமிழக்குமா?

என் தாத்தா
விவசாயம் செய்தார்,
என் அப்பா
விவசாயத்தைக் கவனித்துக் கொள்கிறார்,
நான் என் அப்பா
விவசாயம் செய்வதைப் பார்க்கிறேன்,
என் மகன்???

படிப்பிற்கேற்ற வேலையென்பதையே
படிப்பினையாகக் கொண்டு
விவசாயம் - தன்மீது
படிந்திடாமல்,
பன்னாட்டுவேலையென்று அரிதாரம் பூசிக்கொண்டு
கழுத்தில் டையினைக் கட்டிக்கொண்டு
"Officer" என்று கூறிக் கொண்டு
உள் நாட்டிலோ, அல்லது
வெளி நாட்டிலோ,
என் தாத்தா செய்த
வேலையின் ஒருபகுதிமட்டும்,
கப்பல்மேல் இருந்து
கணினி கொண்டு
களையெடுத்துக் கொண்டிருப்பானோ?

...விவசாயம் - சாயமிழக்குமா?