கருத்தம்மா

பொத்தி பொத்தி
வளர்த்தவர்கள் பலர்,
பொத்தி பொத்தி
வளர்பவள் நீ...

உன்
நாணம் கலைக்க,
உன்னைச்
'சுற்றியவனைச் சுற்றுகிறாய்',
காலை முதல் மாலைவரை
நாணம் கலைந்தபின் நீ ...

பக(ல்+அ)வன் வழி
பழகுபவள் நீ,
பக(ல்+அ)வன் வழி
தொடர்பவள் நீ...
அவன் செல்லும்
திசையையே,
திண்ணமாய் உன்
எண்ணமாய் கொண்டவள் நீ...

பூப்பெய்தியதும் நாணம்
கொள்பவர்கள் மத்தியில்,
மூப்பெய்தியதியபின் நாணம் கொள்பவள் நீ...

மஞ்சள் நிறத்தவனுக்காக
மஞ்சள் நிறத்திலேயே
மகுடம் சூடிக் கொள்பவள் நீ...

அவன் முகம் பார்த்து,
அவன் பார்த்து வளர்பவரெல்லாம்
கருத்திட,
அவனைப் பாராததால்
கருத்திடும்
கருத்தம்மா நீ...சூரிய காந்தி!!!