ஒரு முத்தமிட்டுச் செல்...

வெட்கத்தால் முகம் சிவக்குமாம் -
நம்பவில்லை
நானும் - வெட்கம் தின்று
வளர்ந்திருக்கும்
உன் இதழ்களைக் காணும்வரை...


வெட்கம் தின்று வளர்ந்தவளே - என்
முத்தம் தின்று - உன்
வெட்கங்ககளை என் இதழ்களில் கொடு;


ஈரிதழ் முத்தம் தவிர்த்து - நம்
ஈரிதழ்களால் முத்தமிடலாம்...

'உயிர்'-வரின் 'உ'-க்குரல் மெய்விட்டோடுமாம் - என்
இதழ்வரின் உன் வெட்கம் உன்னை விட்டோடும்...
எவ்வளவுதான் வெளுத்தாலும்
வெளுக்காத சாயம் உன் இதழ் சாயமடி...
வெளுக்க வந்த இதழ்கள் - சாயம் பட்டுத் திரும்பிகின்றன...

இறுதியாக, முத்தமிட்டதைத் துடைத்துவிட -
ஒரு முத்தமிட்டுச் செல்...